To a Mouse By Robert Burns

[conuly]

Wee, sleeket, cowran, tim’rous beastie,
O, what a panic’s in thy breastie!
Thou need na start awa sae hasty,
Wi’ bickerin brattle!
I wad be laith to rin an’ chase thee
Wi’ murd’ring pattle!

I’m truly sorry Man’s dominion
Has broken Nature’s social union,
An’ justifies that ill opinion,
Which makes thee startle,
At me, thy poor, earth-born companion,
An’ fellow-mortal!

I doubt na, whyles, but thou may thieve;
What then? poor beastie, thou maun live!
A daimen-icker in a thrave
’S a sma’ request:
I’ll get a blessin wi’ the lave,
An’ never miss ’t!

Thy wee-bit housie, too, in ruin!
It’s silly wa’s the win’s are strewin!
An’ naething, now, to big a new ane,
O’ foggage green!
An’ bleak December’s winds ensuin,
Baith snell an’ keen!

Thou saw the fields laid bare an’ waste,
An’ weary Winter comin fast,
An’ cozie here, beneath the blast,
Thou thought to dwell,
Till crash! the cruel coulter past
Out thro’ thy cell.

That wee-bit heap o’ leaves an’ stibble
Has cost thee monie a weary nibble!
Now thou’s turn’d out, for a’ thy trouble,
But house or hald,
To thole the Winter’s sleety dribble,
An’ cranreuch cauld!

But Mousie, thou art no thy-lane,
In proving foresight may be vain:
The best laid schemes o’ Mice an’ Men
Gang aft agley,
An’ lea’e us nought but grief an’ pain,
For promis’d joy!

Still, thou art blest, compar’d wi’ me!
The present only toucheth thee:
But Och! I backward cast my e’e,
On prospects drear!
An’ forward tho’ I canna see,
I guess an’ fear!

https://www.poetryfoundation.org/poems/43816/to-a-mouse-56d222ab36e33

https://www.lcps.org/cms/lib4/VA01000195/Centricity/Domain/657/To%20a%20Mouse.pdf (translated into modern English, for those of us who have trouble with Scots)

Comments

[robby]

Little known fact: The above was his final pome, found at his bedside, after being stricken by the bubonic plague.


"And there's a hand, my trusty fere!
And gie's a hand o' thine!
And we'll tak a right gude-willie waught,
For auld lang syne."

[siderea]

Aw, gee. Gang aft agley, indeed.

[conuly]

I see the mousie got its revenge. Poor thing!

[cactuswatcher]

And from the rhyming To a Louse

O wad some Pow'r the giftie gie us
To see oursels as ithers see us!
It wad frae mony a blunder free us,
An' foolish notion:
What airs in dress an' gait wad lea'e us,
An' ev'n devotion!

[captainsblog]

Beat me to it; I did post the whole thing, though.

[calimac]

I like poems that famous titles came from. This one generated Steinbeck's "Of Mice and Men," and the import of the full phrase is very relevant to the story.

[captainsblog]

The companion piece, which has perhaps best-known couplet of the pair:

To a Louse, On Seeing one on a Lady’s Bonnet at Church

Ha! whare ye gaun, ye crowlan ferlie!
Your impudence protects you sairly:
I canna say but ye strunt rarely,
Owre gawze and lace;
Tho’ faith, I fear ye dine but sparely,
On sic a place.

Ye ugly, creepan, blastet wonner,
Detested, shunn’d, by saunt an’ sinner,
How daur ye set your fit upon her,
Sae fine a Lady!
Gae somewhere else and seek your dinner,
On some poor body.

Swith, in some beggar’s haffet squattle;
There ye may creep, and sprawl, and sprattle,
Wi’ ither kindred, jumping cattle,
In shoals and nations;
Whare horn nor bane ne’er daur unsettle,
Your thick plantations.

Now haud you there, ye’re out o’ sight,
Below the fatt’rels, snug and tight,
Na faith ye yet! ye’ll no be right,
Till ye’ve got on it,
The vera topmost, towrin height
O’ Miss’s bonnet.

My sooth! right bauld ye set your nose out,
As plump an’ gray as onie grozet:
O for some rank, mercurial rozet,
Or fell, red smeddum,
I’d gie you sic a hearty dose o’t,
Wad dress your droddum!

I wad na been surpriz’d to spy
You on an auld wife’s flainen toy;
Or aiblins some bit duddie boy,
On ’s wylecoat;
But Miss’s fine Lunardi, fye!
How daur ye do ’t?

O Jenny dinna toss your head,
An’ set your beauties a’ abread!
Ye little ken what cursed speed
The blastie’s makin!
Thae winks and finger-ends, I dread,
Are notice takin!

O wad some Pow’r the giftie gie us
To see oursels as others see us!
It wad frae monie a blunder free us
An’ foolish notion:
What airs in dress an’ gait wad lea’e us,
And ev’n Devotion!

[smokingboot]

Sweet!